Mi firfiakte beih chungchangah Muslim ram thukhawm

0
881
views

Muslim ram hrang hrangten sipai chakna hmanga mi firfiakte beih an tumna chungchanga an \hut khawmna hmasa berah, Saudi Arabia chuan nimin khan Riyadh khawpuiah Muslim ram 40 hruaitute a sawm khawm a, Saudi Arabia lal fapa, Crown Prince Mohammed bin Salman chuan Muslim ramte zingah thawhhona mumal a awm loh avanga an rama mi firfiakte zalenna chu a tawp ta niin a sawi a, Muslim ram 40-te hian mi firfiak pawlte beih kawngah an member-pui ramte hnathawh apiang thlawp an inhuam thu an sawi niin a sawi. He thawh hona, Islamic Military Counter Terrorism Coalition tia vuah hi kum 2015 khan bul \an a ni a, member zinga a tam zawk hi chu Sunni Muslim lalna ram a ni a, Saudi Arabia hmelma leh Shia Muslim lalna, Iran bakah Syria leh Iraq ram an tel ve lo a, Arab ram pali – Saudi Arabia, United Arab Emirates, Bahrain leh Egypt-in thla ruk chhung a kawmserh, Qatar ram chu he thawhhonaah hian tel mah se, nimina an \hutkhawmna-ah hian Qatar hi a tel lo nia hriat a ni.