Mifirfiakte sum leh paia \anpuitute khawvel huapa chhuizuitu, Financial Action Task Force in Pulwama-a mifirfiakte chetna chu na taka demin, Pakistan chuan mifirfiakpawl Jaish-e-Mohammed leh Lashkar-e-Toiba te sum hmuhna chhu chat turin awmze nei hmalakna a nei lo a ni an ti.

0
79
views

Paris-a zawhfel tak, Financial Action Task Force Plenary meeting chuan Pakistan chungchang an hmuh dan hi an puang a, Pakistan chuan mifirfiakte sum hmuhna chhu chat turin awmze neia hma a lak nghal a \ul a ni an ti. Kum 2019 May thla ral hma hian Pakistan hian ruahmanna a siam a tihpuitlin hman a \ul dawn a, Prime Minister Imran Khana kaihhruai Pakistan sorkar chuan October thla ral hmaa awmze neia hma a lak loh chuan Pakistan chu Black List ah dah a ni dawn a, nikum June thla khan Pakistan hi en bik, Grey List zingah dah luh a lo ni tawh a ni.

FATF in Blacklist-a a dah ramte hian International Monetary Fund, World Bank, Asian Development Bank leh European Union ang chi te lak a\angin hrekna an tuar \hin a, sum harsatna nasa tak tawk mek, Pakistan tan chuan thil pawi tak a ni dawn a ni.