Mipuiin nitin hna thawh tan leh

0
737
views

Boruak \ha leh muanawm tak hnuaia kumthar hmuah thlen a nih hnuah, mipuiten an ni tin hna an thawk \an leh ta a, kum hlui December ni 31, kum hlui thlah zanah khan Mizoram pumah boruak a \ha-in, buaina leh chetsualna lian tham thleng a awm lova, District hrang hranga Police hotute hnen a\anga thu dawn danin, khami zan kha engemaw chen chhunga kum hlui thlah zana boruak \hat ber \um nia ngaih hial a ni a, amaherawhchu, hmun \henkhatah halphuah hal ri hriat tur a awm pheuh pheuh a ni. Aizawl Police Station a\anga thu dawn danin, kum thar hmuah zan khan veng 5 velah halphuah hal ri hriat tur a awm a, mi 10 an man zinga \henkhat chu halpuah hal nia rinhlelh an ni a, zu rui man an awm bawk a, lirtheia chetsualna thleng erawh chu a awm lo a ni. Bawngkawn Police Station huam chhungah pawh zurui man 3 an awm a, lirtheia chetsualna a thleng lova, veng \henkhatah halpuah hal ri pheuh pheuh a awm bawk. Vaivakawn leh Kulikawn Police Station huam chhungah pawh boruak a \ha a, zurui man tlem a zawng an neih bak thil \ha lo lam thleng engmah a awm lo a ni. Aizawl Civil Hospital a\anga thu dawn danin kum hlui thlah zan hian kum dang aiin chetsualna avanga Casualty pan an tlem a ni.

Lungleiah bike pakhatin Zotlangah mi pal a sut avangin a khalhtu leh he bike-a chuangte hi na vak lovin an hliam a, damdawi inah dah an ni a, halpuah hal ri hriat tur awm pheuh pheuh mah se, man an awm lo a ni. Serchhip, Lawngtlai leh Siahaah pawh boruak a \ha a, naupang hal nia ngaih theih, halpuah ri pheuh pheuh erawh chu hmun \henkhatah hriat a ni. Champhaiah chuan mi 6, mipa vek man an ni a, an zinga \henkhat chu halpuah hal nia hriat avanga man an ni a, Kolasib leh Mamit-ah pawh halpuah ri hriat tur awm pheuh pheuh mah se, man erawh chu an awm lova, lirtheia chetsualna leh vanduaina thleng a awm lo bawk a ni.