Zonet buatsaih, Miss Mizoram, 2018 thlanna turah naktukah hian Audition Round \an a ni dawn ta a. Kumina Miss Mizoram thlanna tur hi a tir a\angin Miss India Organisation-in a rawn hmanpui dawn a, Mizoram aiawha Miss India thlannaa inlan turte chu a tir a\anga an inpuahchahna hrang hrangah a \anpui dawn a ni. Audition round hi tun thla ni 19 zanah Zonet Zawlbuk-ah tihchhuah \an a ni dawn a ni. Zonet hian nikum khan Miss Mizoram 2017 chu hlawhtling takin a lo buatsah tawh a, hemi \uma Miss Mizoram atana thlan, Lawngtlai nula, Rody H. Vanlalhriatpuii chuan Miss India thlannaah Final Round a thleng a. Kumina Miss Mizoram thlannaa telte tan pawh hian Miss India-a an inlan theih dan tur ngaihtuah a ni ang, Miss Mizoram 2018 thlannaa tel turte chu naktuk tlai dar 3-ah Zonet Office-ah kim vek tur a ni a, heta \ang hian Audition Round neihna tur chu a huhova pan tur a ni.
