UN General Assembly-a US President Donald Trump-a’n missile siam chhuak leh ram danga buaina tipunlun zawnga che \hina Iran a puh hnuah, Iran President, Hassan Rouhani chuan missile emaw ralthuam dang emaw pawh siam turin ram dang phalna a mamawh loh thu a sawi a, missile \ha zawk siam zel an tum thu a sawi bawk. Iran-in nuclear chakna a hman dan chungchanga UN nen inremna an lo neih tawh chu thlak theih a ni tawh lo tih Iran ram hruaitu hian a sawi a, hei hi US leh Israel ramte chauhin an remtih loh bakah, an inremna b^ka an ram chunga khuahkhirna dang lek an tum chu inzah lohna a nih thu a sawi bawk. China pawhin Iran Nuclear Deal chu tun hnaia North Korea buaina nen pawh inanna tam tak nei nia sawiin, an thlawp reng tur thu an sawi a, Russia Foreign Minister, Sergei Lavrov pawhin US-in Iran hrek a tumna chu UN zah lohna leh dan tlawhchhan tur nei loh nia an hriat thu thu a lo sawi tawh bawk a ni.
Chanchin Thar Missile emaw ralthuam dang emaw siam turin ram dang phalna a mamawh...
