Mission Vengthlanga Missionary Training College-a Bachelor of Missiology zir chhuak mi 13 te thlahna leh Graduation Day ni nghal vawiin khan Synod Conference Centre-a Pi Zaii Hall-ah neih a ni. Hetah hian Synod Moderator, Rev. Lalrinnunga chuan B. Miss zirchhuakte fuihna thuchah a sawi a, Synod Senior Executive Secretary, Rev. Lalramliana Pachuau-in B. Miss zir zo te chu Certificate a hlan a ni. He inkhawm hi MTC Principal, Rev. Vanlalrova Khiangte-in a kaihruai a ni.
