Mizo Students Union General Headquarters’ in kumin atan an pisa an khar a, hemi puala inkhawm, an Treasurer B Lalkhawngaihzuala kaihhruaiah an pawl Vice President Pu J. Lalmuanzuala chuan, tun hma school kai hun anga kal a nih theih nan hma an la dawn niin a sawi.

Zirlai harsa lehkha zir chak leh thiam si te tan Educational trust din an tum thu leh MSU kumpuan, zirna uar kum bawhzui nan College zirlai final semester-te tan UPSC level questionaire chhanna hun buatsaih pawh an tum niin a sawi.

MUP General Headquarters President Pu RK Thanga pawhin thusawiin zirlaite chu MPSC-ah chauh lungleng tawh lo va, UPSC lamah rilru nasa zawka pe tura chah in Central Service-a Mizo tam zawk an luh theih nan Mizo tawng chu 8th Schedule-a dah a \ul hle niin a sawi bawk.

Central YMA Asst General Secretary Pu Peter Chhakchhuak pawhin thusawiin tlawmngai pawl leh zirlai pawlte thawh hona \ha avangin Mizoramah inlungrualna leh Zofate inpawhna \ha zawk hmuh theihin a awm a ni a ti. MSU pisa hi nakum January ni 22 ah an hawng leh ang.