Mizo Zirlai Pawl bultuma Reieka ZOFEST neih mek chu vawiin khan Myanmar MP, Pi Ebenezar Siami’n a hmanpui.

0
464
views

 

Thusawiin, Pi Ebenezar Siami chuan amah chu ram hrana awm ni mah se Zofate inpui ngeia thu sawi theia a awm chu lawmawm a tih thu a sawi a, hei hian ramin ri nei mah se hnamin ri a neih loh zia a ti chiang hle a ni a ti. Pi Ebenezar Siami chuan, Zofate chu Chin, Kuki leh Mizo niin an awmna sorkarin a chhinchhiah niin a sawi a, hetihrual hian chhinlung chhuak, thlahtu hmun khat, chhulkhat kual, unau piang hmun an nih vek avangin mahni awmna ram chu Zofate ram a ni a, ram hrang hrangah cheng mahse unau an nihna a bo chuang lova, thlang tla hmasa leh hnuhnung an awm mai zawk a, sorkar leh sorkar inhmuhthiam lohna a awm pawhin hei hian unau nihna tichhe lo se a duh thu a sawi a, nghet zawka insuihkhawm tura mahni awmna \heuha \an la turin mipuite a sawm a, Zofest chu Burma ramah pawh an hman ho theih ngei a beisei tih a sawi bawk.

MZP President, Pu L. Ramdinliana Renthlei pawhin thusawiin ZOFEST hmasa ber chu kum 2002 khan Manipur-ah hman a ni tih a sawi a, Mizoram pawnah dodalna nasa tak hnuaia hman a nih changin unau nihna pholanna a awm \hin chu lawmawm a tih thu a sawi a, Pathian hruaina tun thlengin Zofaten an dawng a ni a ti. Pu L. Ramdinliana Renthlei chuan,

Zofa chi peng hrang hrangte insuihkhawma, thisen zawm unau dik tak an nihzia inhrilhhriat chu Zofest-in a tum a ni a ti a, engtikniah emaw chuan Zofa hmun hrang hranga awmte hi rorelna pakhatah hnuaiah an awm a beisei tih sawiin \awng a danglam avanga unau ni lo anga inngai lovin Zofa hmun hrang hranga awmte tan

MZP chu a \ul ang zelin a ding dawn niin a sawi bawk.

He inkhawmah hian khawvel hriata Zofate hming ti \ha tu Hockey Player Lalremsiami leh rit chawi chak Jeremy Lalrinnunga bakah Zofest hman a nih theihna atan sulsutu Manipur-a MZP, President hlui Pu Lalthuthlungliana te chu chawimawina thuziak an hlan bawk.

Inkhawm hi an pawl Vice President B.Vanlaltana’n a kaihruaia, Lok Sabha Member, Pu CL Ruala’n thu a sawi bawk. Zofest hi zaninah a \iak dawn a ni.