Mizoram Assembly Budget Session 2018 atan ruahmanna peihfel

0
1034
views

Mizoram Assembly Budget Session naktuka \an tura atan ruahmanna engkim peihfel a ni. Session Programme angin naktuk chawhma dar 10:30-a Session \an a nih veleh Larsap, Lt. Gen. Nirbhay Sharma chuan House-ah thu a sawi ang a, hemi hnu hian lawmthu sawina motion putluh a ni ang a, chumi hnuah hemi ni atana Session tihtawp zui a ni ang. Naktip, Nilainiah chuan hun hmasa chu Session hmasa leh tun \um Session inkara member hlui thi mi pahnih, Pu Lalchunga Chinzah leh Pu J. Kap\hianga te sun nan hman a ni ang a, hemi hnu hian House-a Larsap thusawi sawihova pawmpui tum a ni ang. Kum 2018-2019 atana Mizoram Budget chu Finance Minister, Pu Lalsawta’n tun thla ni 15, Ninganiah a pharh ang a, Budget a tlangpuia sawihona chu ni 19 leh ni 20-ah neih a ni ang a, ni 21 a\angin Minister hrang hrangte hna chanpual enkawlna tura sum ruahman chu sawi \an a ni ang a, budget pumpui hi March ni 29-ah pass hman tum a ni ang. He Session-a ngaihtuah turin sorkar bill lut a la awm lova, House-a chhan chi Starred Questions 521 leh zawhna sei, ziaka chhan chi, Unstarred Questions 60 bakah Private Member’s Resolution atana rawtna 76 a lut tawh bawk a ni.