Mizoram Assembly Budget Session-ah Starred Questions 478 a lut tawh

0
882
views

Mizoram Assembly Budget Session March ni 13 a\anga \an tura zawh turin tun thlengin Starred Questions 478 a lut tawh a, zawhna sei, ziaka chhan chi, Unstarred Questions 52 a lut tawh bawk. He Session-a ngaihtuah turin sorkar Bill lut a la awm lova, Private Member’s Resolution atana rawtna 76 a lut tawh bawk. Hetihlai hian kum 2018-2019 atana Mizoram Budget chu Finance Deptt-in ngawrh takin a buatsaih mek a ni. Puan tawh angin Session \an ni, tun thla ni 13-ah Mizoram Larsap, Lt. Gen. Nirbhay Sharma-an House-ah thu a sawi ang a, a tuk, ni 14-ah tun hnaia MLA hlui thi ta mi pahnih Pu Lalchunga Chinzah leh Pu J. Kap\hianga te sunna neih a ni ang a, hemi ni vek hian Larsap thusawi sawihova pawmpui tum a ni ang. Kum 2018-2019 budget chu March ni 15-ah pharh a ni ang a, Session pumpui hi tun thla ni 29-ah zawhfel tum a ni ang.