Bawrhsap chuan Saikuti Hall chhawng hnuai bera Counting Hall siam a nih dawn thu te, Lunglei District-a bial hrang hrang pasarih tan Counting Hall hran \heuh siam a nih dawn thu te sawiin vote chhiar hi zing dar 8-ah \an a ni anga, a hmasa berin Postal Ballot-a vote tla te chhiar a ni ang a, hemi hnu hian Polling Station number angin EVM-a vote tla te chhiar zui a ni dawn niin a sawi a, Constituency tina vote tla te chu round thum chhiarnaah chhiar zawh a ni dawn niin a sawi bawk. Lunglei SP, Pu C. Lalthanmawia chuan vote chhiar chhung hian Saikuti Hall leh a chhehvelah venhimna \ha tak siam a ni dawn niin a sawi a, mipui paltlang theih loh turin chhim lam leh hmar lamah check gate siam a ni ang a, Hall chhungah luh phalna identity card nei lo chu an luh phal a ni dawn lo niin a sawi a ni. Venhimna hnathawktu tur te hi Central Armed Police Force leh State Armed Police Force te an ni ang a, vote chhiar chhung hian vote chhiarna hmunah mobile phone lakluh phal a ni lovang a, thuthar thehdarhtute tan media center siam a ni ang a, Election Commission ruat Election Observer te awmna hmun tur pawh siam a ni dawn niin a sawi a ni. Lunglei District-a Assembly bial 7-a vote chhiartu tur, Counting Supervisor, Counting Assistant leh Micro Observer te tan training naktukah neih a ni dawn a ni.
