Mizoram Blind Society-in tun hnaia MBSE-in pawl 10 leh pawl 12 result a tihchhuah taka mitdel zirlai 7-in hlawhtlinna duhawm tak an nei chu an lawmpui thu an sawi.

0
49
views

Thuchhuah an siamah Mizoram Blind Society chuan, mitdel zirlaite hian mitdel hawprawp (Braille) hmanga lehkha zirin pawl I a\angin mitvarte zir pangai ang vek an zir a, Exam-naah pawh mitvar zirlaite zawhna chhan ang vek chhangin hetiang hlawhtlinna hi an nei thei chu an chhuang hle tih an sawi a, mitdel zirlai hlawhtlinna thar hmu zawng zawng chu an kal zelna turah duhsakna an hlan nghal bawk. MBSE-in nimina HSSLC result a tihchhuah takah khan Kolasib-a The Salvation Army Home for the Blind-a awm St. John’s Higher Secondary School zirlai Lalremzuala, Lallawmkima Chalrang Champhai District fapa, K. Beimopha, Pu Kiacho, Vahai Siaha District fapa, Lalrampana, Pu Zomawithanga, Khawmawi, Lunglei District fapa leh N. Vahneichhi, Pu N. Ngohu, Tuisih, Siaha District fapate chuan \ha takin an pass a. An ni bakah hian Durtlanga Special Blind School zirlai 2 – Lalnunmawii, Pu Ngurchhuanmawia, Siaha fanu leh R. Lalmuanpuii, Pu Lallianzama Kulikawn Aizawl fanu leh Kolasib-a The Salvation Home for the Blind Kolasib a awm mek, St. John’s Higher Secondary School zirlai David Lalremruata, Pu C.K Pianga, West Serzawl Mamit District fapa chuan HSLC \ha takin an Pass bawk.