Mizoram Consumer Union in Mizoram puma eirawngbawlna gas Subsidy Consumer te hnena lut mumal lo chungchang chhui chiang tur leh \ha taka a luh theihna tura hmala turin Mizoram sorkar a ngen.

0
42
views

Hemi chungchang hi Mizoram Consumer Union Executive Committee Meeting nimina Zodin Square-a an pawl pisaa neihah sawiho a ni a, member te chuan gas agent leh bank te thil ti dik lo zawka inpuhtawnna awm chungchangte sawi chhuakin thil dik lo chhuichhuaka tidik thuai tura Food, Civil, Supplies & Consumer Affairs Deptt. an beisei thu an sawi a, hemi chungchangah hian MCU hotute chuan Food, Civil Supplies & Consumer Affairs Minister, Pu K. Lalrinliana hmuh thuai an tum a ni. Kumin sorkar kum atana sorkar laipuiin Consumer Welfare Fund Mizoram tana a pek cheng vbc 10, tun thlenga la pek chhuah loh chungchang pawh sawihoa ni a, hetah hian member te chuan Mizoram sorkar hmasa khan he fund atana cheng vbc 10 sorkar laipuiin a ruahman chu cheng vbc 8-a tihtlem an rawt nia an hriat thu sawiin, hei hi \ha lo an tih thu an tarlang a, kim taka he sum hi hmuh a nih theih nan leh \angkai taka hman a nih theih nan Mizoram sorkarin a tum ve tur thlenga kim taka pek chhuah dan tur ngaihtuah turin Food, Civil, Supplies & Consumer Affairs Deptt an phut bawk a ni. He meeting-ah hian Maxicab fare, Taxi fare leh Two Wheeler taxi fare sorkar dan siam aia tama lak chungchang pawh tarlan a ni a, MCU hruaitute chuan hemi chungchangah hian Transport Minister, Pu TJ Lalnuntluanga hmua dik taka thil tih dan tur sawipui an tum dawn a ni. Hemi bakah hian kumin February thla a\anga Jet Airlines-in Mizoram tlawha service tihtawp a tum chungchang leh hemi avanga Mizo mipuiten harsatna an tawh dan tur chungchangte sawiho a ni a, Mizote mamawh phuhru tura thlawhna service dang neih theih dan tur Mizoram sorkarin ngaihtuah thuai se an duh thu pawh he meeting-ah hian tarlan a ni. Telecom Regulatority Authority of India (TRAI)-in Cable TV lakna tur rate a siam thar zulzuia LPS leh ZONET ten Cable TV lakna tur rate an siam chungchang leh a kaihhnawih thildangte an sawiho bawk a ni. |hutkhawmna hi MCU President Prof. Chawngsailova’n a kaihruai a ni.