Mizoram CSS Hindi Teacher’s Association-in an hna ngai an thawh chhunzawm thuai beisei

0
1225
views

Mizoram CSS Hindi Teacher’s Association-in an hna ngai an thawh chhunzawm thuai an beisei tih vawiin khan Aizawl Press Club-ah thuthar lakhawmute an hrilh. An hna ngai thawk leh tur hian vawiin thlenga chawl lova hma an lak chhunzawm thu leh vanneih thlak takin Rajya Sabha Member, Pu Ronald Sapa Tlau hmalakna zarah nikum Decmeber ni 15 khan Union Human Resources Development Minister, Pu Prakash Javadekar chu New Delhi-a a chenna In-ah thil phut an sawipui thu an sawi a. An inkawmnaah hian Union Minister chuan, Mizoramah CSS hnuaia Language Teacher Scheme chu a hma aia tha leh changtlung zawka kalpui tum a nih thu leh, CSS hnuaia Hindi Teacher mi 1305-ten an hna ngai an thawh chhunzawm leh theih nan ruahmanna kalpui mek a nih thu a lo hrilhin, CSS Hindi Teacher-te chu zirlai naupang leh Mizo mipuiten Hindi an mamawh dan hrechiangtu an nih anga Mizoramah Hindi tawngin hma a sawn theih nan thurawn pe turin a lo ngen tih an sawi a, a ngenna ang hian Rajya Sabha Member, Pu Ronald Sapa Tlau kaltlangin thurawn an neih ang angte kimchang taka an thlen tawh thu an sawi a ni. Mizoram CSS Hindi Teacher’s Association hruaitute chuan, Delhi an tum hian Union Minister of State for Higher and Technical, Pu Satyapal Singh, HRD Ministry hnuaia Economic Adviser, Dr. NK Sahu leh Under Secretary, Pu Rajesh Samplay bakah mi pawimawh dang engeawzat an hmuh thu sawiin, an hnen atang hian thu lawmawm lam hlir an dawng niin an sawi.