Mizoram Forensic Science Laboratory leh USA hmunpui nei Thermo Fisher Scientific \ang dunin ni 2 chhung awh tur Police Officer-te tana DNA sample lak dan zir hona an buatsaih chu vawiin khan New Capital Complex-a Forensic Science Laboratory Conference Hall-ah \an a ni.

0
620
views

A hawngtu FSL Director, Pu H. Sangchungnunga chuan, kum 2012-a Nirbhaya Gangrape Case a\angin Sorkar laipuiin DNA leh Cyber Forensic chu a ngai pawimawh thar zual a, Mizoramah pawh hemi atan hian Rs. vbch 4 leh nuai 19 a ruahman tih a sawi. Pu H. Sangchungnunga chuan, DNA lak chu pawikhawihna hrang hrangah misual chhui chhuahna atan a \angkai hle a, hemi ti tur hian Forensic Science Laboratory-a thawkte chu a hmunah an kal vek theih dawn loh avangin Police-ten DNA lak chu anmahniaa an tih ngaih chang a awm \hin dawn a, hetiang hun a thlen thulha harsatna an tawh loh nan an thil zir chu a \angkai dawn avangin \ha taka zir turin a chah a ni. He zir honaah hian Thermo Fisher Scientific-a Senior Associate Field Application Specialist, Dr. Sanjib Dey leh Filed Service Engineer II, Pu Biplab Maity bakah Forensic Science Laboratory-a Junior Scinetific Officer, Pi Ammie Lalnunpuii’n DNA Sample lak dan leh a kaihhnawih thil pawimawh hrang hrang an zirtir a, hetah hian Aizawl DEF hnuaia Police Officer 20 an tel a ni.