Mizoram Kohhran Hruaitute Committee chuan ruihhlo laka Mizoram a fihlim theih nan leh ruihhlo bawia tang mekte an chhuah theih nan tun thla ni 13, Pathianni zanah Kohhran tin tawngtai rual turin a ngen. Hemi chungchanga thuchhuah an siamah MKHC chuan Mizorama ruihhlo hluar zelin thalai tam tak a suat tawh avang leh ruihhlo a bawiha tang mek thalai eng emaw zat an awm chu pawi an tih thu sawiin Kohhran tinte chu ruihhlo ngaite tana tawngtai bakah ruihhlo do kawnga an Kohhran huangchhung theuha theih tawp chhuah turin a ngen a ni.
