Inthlan tluang taka neih theih nan leh Mizoramin aiawhtu \ha a neih theih nan April 5 leh ni 6 Kohhran inkhawmah Kohhran tinte \awng\ai turin MKHC chuan a ngen a, zalen tak leh duh thlanna dik hmanga mi tinin vote an thlak theih nan, hel pawl leh ralthuam lam chi hman te, invau te, inbum te, sum sem te tih loh ni se an duh thu an sawi a, hnam bil zawng te, khawtlang inpumkhatna leh kohhran inunauna tichhe zawng tein eng pawl mahin hma la lo se an duh thu te, mi mal leh pawl insawichhiat vak vak te, tharum thawhna chawk tho zawnga inelsen leh in auh nawmnah te ti lo tur leh therhlo leh sum uma vote hralh ang chi te tih loh ni se an duh thu an thuchah siamah chuan an tarlang a ni.
Thlan tlin apiang chu Mizoram Kohhran Hruaitute Committee chuan a mawhphurhna tha taka hlen chhuak thei turin duhsakna an hlan tih an sawi a, thlangtu mipui leh roreltua ruattu Pathian zah chunga ram leh hnam tan hna thawk tur leh Party aiawh chauh ni tawh lovin, Mizoram mipui zawng zawng aiawha ding a nih inhre reng turin an duh tih an sawi a, Mizoram, hnam leh sakhaw himna ngai pawimawh reng tura an beisei thu te, Kohhran leh pawl duhsak bik nei lo va, ang khata an thu leh hla ngaih pawimawh sak tur leh Kohhran te thawhpui theiha an awm an duh thu te an sawi a, mipuite pawh thlantlin apiang chu Mizoram tana Pathianin a pekah pawma sawisel ringawt lova \awiawm tlat turin an sawm a ni.
