Mizoram Lok Sabha inthlan neih tura chuh tumte tana hming pek luh theih hun chu vawiin tlai dar 3 khan a tawp a, he inthlan chuh tura hming pelut chu mi 6 an awm.

0
506
views

Election department hotute hnen a\anga Zonet thudawn danin, he inthlan chuh tura hming pe luttte chu Prism Party Candidate, Pu TBC Lalvenchhunga, MNF Candidate, Pu C. Lalrosanga, BJP candidate, Pu Nirupam Chakma, Congress leh ZPM-in an thlawp Independent Candidate, Pu Lalnghinglova Hmar bakah Independent Candidate pahnih- Pu Lalhriatrenga Chhangte leh Pi Lalthlamuani an ni a, heng hming lutte hi naktukah an Nomination Paper endik a ni ang a, danin a phut anga thil tihfel ngai tifel lo an awm a nih chuan inthlan chuh thei lo tura paih theih an la ni dawn a. He inthlanna chuh tura hming pelutte tan tun thla ni 28, ningani thleng inhnuhdawh theihna hun hawn a ni dawn bawk.

Ram puma Lok Sabha inthlanpui neih rualin Mizorama Lok Sabha Seat khat thlanna neih turah hian thla thar April ni 11 khian vote thlak a ni dawn a, he inthlanna neih tura hriattirna chu tun thla ni 18 khan Election Commission of India-in a tichhuak a, ram pum huapin inthlanna hi thawh 7 thlenga neih tur a ni a, vote thlak hnuhnung ber chu May ni 19-ah neih a ni dawn a. He inthlannaa Vote tlate chu May ni 23-ah chhiar a ni ang a, May ni 27-ah chuan inthlanna leh a kaihhnawih zawng zawng zawhfel vek tawh tur a ni.