Mizoram Lok Sabha member atan MNF Candidate Pu C Lalrosanga thlan tlin a ni a, Aizawl West-I Assembly bye election ah MNF Candidate tho Pu Zothantluanga thlan tlin a ni bawk.

0
416
views

MP atana thlan tlin ni ta, Pu C Lalrosanga hian vote 223509 a hmuh laiin a khingpui ber, Congress leh ZPM thlawp Independent Candidate Pu Lalnghinglova Hmar chuan vote 215202 a hmu a, vote 8307 in an inthlau a ni.

Lok Sabha inthlana candidate dang BJP Candidate Pu Nirupam Chakma chuan vote 27989 a hmu a, Prism Candidate Pu TBC Lalvenchhunga’n vote 13211, Pu Lalhriatrenga Chhangte in vote 12467 leh Independent candidate dang Pi Lalthlamuani’n vote 1909 a hmu a, NOTA ah vote 2493 a tla bawk.

Vote chhiar \antirh a\angin Pu C Lalrosanga leh Pu Lalnghinglova Hmar te hi an in lehthal chho zak zak a, Pu Lalnghinglova hmar hian Aizawl, Kolasib leh Serchhip District ah te vote a hmu tam zawk a, abak zawng Mamit, Champhai, Lunglei, Lawngtlai leh Siaha ah te thlan tlin ni ta, Pu C Lalrosanga hian vote a hmu tam zawk thung. Assembly Bial mala an inthlauhna tam ber, Lawngtlai District Tuichawng bialah chuan Pu C Lalrosanga hian vote 12022 a hmuh laiin, Pu Lalnghinglova Hmar hian vote 386 chiah a hmu a, an inthlauhna hi vote 11636 a ni a, he bial bika an inthlauhna hi Mizoram pumpuia an inthlauhna, vote 8307 aiin 3329 in a tam zawk a ni.