Championship-ah hian Gold 8, Silver 6 leh Bronze 7 latu Dawrpui Muaythai Club chu Pakhatna an ni a, He championship a pahnihna MTC Chaltlang chuan Gold 8, Silver 6 leh Bronze 5 an la a, Gold 3, Silver 3 leh Bronze 5 latu Falkland Muaythai Club chu pathumna an ni.
Kharna inkhawm Ramhlun Boxing Hall-a neih hi an pawl President, Pu Brian Lalnunhlima’n a kaihruai a, United Sports Association of Mizoram President, Pu Lalianthuama leh Sr. Vice President Pu VL Sawma te pawhin an hmanpui a, intihsiaknaah hian Aizawl, Lunglei, Kolasib, Saitual, Khawzawl leh Champhai a\angin players 168 an tel a, fight bakah Muay Boran leh Wai Kru ah te intihsiakna neih a ni.
Lalngaihawma, Chaltlang MTC chu Best Fighter-ah thlan a ni a, Most promising fighter-ah Lalruatkima, Falkland Muaythai Club leh Best Disilcipline Team-ah Vairengte Muaythai club te thlan an ni. Mizoram Muaythai Association hian kumin chhungin Mizoram pawnah infiammi 55 an tirchhuak tawh a, chung zinga 54 chuan Medal an la a ni.
