Mizoram Pig Producers’ Cooperative Federation Annual General Assembly vawi 25-na chu Khatla Vety Polyclinic Hall-ah neih a ni

0
751
views

Mizoram Pig Producers’ Cooperative Federation Annual General Assembly vawi 25-na chu Khatla Vety Polyclinic Hall-ah vawiin khan neih a ni a, a hmanpuitu AH&Vety Minister Pu C. Ngunlianchunga chuan, PRRS vanga vawk tam tak thi \hin chu pawi a tih thu a sawi a, kuminah pawh he hri avang hian vawk 3099 a thih tawh thu te, tih rem tumin deptt. ang pawha theihtawp an chhuah thu sawiin duh anga hmasawn a har niin a sawi. Pu C Ngunlianchunga chuan, kum 2013 a\anga PRRS leng chu vawk suat a umbo theih anih mithiam ten beisei mahse a theih loh tih an hrechiang tawh niin a sawi a, kumina he hri leng mithiam ten an zirchian tawh thu sawiin umbo mai theih a nih loh thu leh, zawi zawia a reh mai an beisei a ni a ti a, vawk vulhtute chu hrileng an tawn palh pawha mithiamte rawn taima turin a chah a ni. PIGFED hi kum 1986 June ni 6, khan din a ni a, an hnuaiah hian society 184 awmin member 5000 chuang an awm a, kumin chhungin cheng nuai 20 sing 4 sang 6,943 an hlep a ni. Inkhawm hi PIGFED Chairman Pu F.Zosanga’n a kaihruai a ni.