Mizoram sorkarin damlo te hnena thisen pekna senso tumsak-a damlo te a thlawna dawntir tura thutlukna a siamah kum khata sorkar sum senso tur chu nuai 200 a\anga 300 vel a ni dawn tih Health Minister Dr R Lalthangliana’n a sawi.

0
558
views

Health Minister chuan, sorkar kum kallai thla hnih leh a chanve vel la awmah thisen sawngbawlna senso tur hi cheng nuai 50 a\anga 60 vel ni tura chhut a nih thu sawiin hei hi budget awmsa a\anga pe tura ruahman nghal a ni a ti a, sorkar kumthar April a\anga in\an turah chuan sum mamawh hi budget ah dah nghal a ni ang a ti.

Damlote a thlawna thisen dawntir chu sorkar ngaihpawimawh a ni a, sorkar ngaihpawimawh zawng a nih avangin he thutlukna hi siam a ni a ti bawk.

Health Minister Dr R Lalthangliana chuan, pawl leh mimal, a thlawna thisen pe \hintute chungah lawmthu sawiin uar zawka pe chhunzawm zel turin a sawm bawk.