Mizoram State Legal Services Authority-in nimin khan Bawngkawna Gilead Special School-ah Legal Awareness Campaign an buatsaih.

0
457
views

 

Hemi puala inkhawm tawi neih chu Mizoram State Legal Services Authority-a Superintendent, Pi Lalramliani’n a kaihruai a, Psychiatric Social Worker, Pi Angela Zohmingthangi’n rualbanlohna chu anchhia a ni lo tih hriat a ngai tih sawiin, pian tirh a\anga rualbanlohna chu vanduai vanga thleng awm bawk mah se, nu-in nau a pai lai a\anga uluk taka inenkawl chuan rualbanlohna thleng thei zinga engemawzat chu ven theih a ni tih a sawi a ni. Pi Angela Zohmingthangi chuan, rualbanlo enkawltu nu leh pa leh zirtirtuten rilru hrisel leh paukhauh tak an put a ngai tih sawiin, an tana kut leh ke, mit leh beng \ha ni tura \an lak dan turte a sawi a ni.

Advocate, Pu Johny Lalengmawia Tochhawng pawhin thusawiin, dan chu rualbanlote lamah a\ang tlat tih sawiin, anmahni tihrehawm zawng emaw, diriam leh hmusit zawnga emawa thil tih chu danin a khap tlat tih hriat a \ha tih a sawi a. Rualbanlote tana dan siam chu ham\hatna dawnna tur ai mahin anmahni kea an din theih nana ruahhman a ni zawk niin a sawi. Mizoram State Legal Services Authority-in Gilead Special School an tlawhnaah hian an pawl Chairperson Pi Zokhumi Vankung, Principal, Pi Laldinpuii leh thawktu dangten an lo dawngsawng a ni. Tun dinhmunah Gilead Special School-ah hian zirlai 118 leh thawktu 32 an awm mek a ni.