Mizoram University Teachers Association-in ram pum huapa University Zirtirtu inzawm khawm pawl, All India Federation of University and College Teachers’ Organization ruahman angin vawiin khan lungawi lohna ni, ‘Black Day’ an hmang. Black Day hmangtute hi MZU Auditorium kawta kal khawmin, an thil phut chi hrang hrang an tarlang a, chung zingah chuan an hlawh ennawntu tur, Chauhan Pay Review Committee Report puan zar an phut thu te, College leh University-a a nghet lova thawkte dah ngheh thuai an phut thu te, sorkarin mimal kuta zirna in hlan leh sumdawn nana hman a tum chu sut leh an phut thu te, University leh College te, Grade thuma thena chumi zulzuia anmahni thuneihna ‘autonomy’ pek tumna an duh lohna te, sorkar laipui leh state sorkar hnuaia University leh College-te enkawlna sum chu a vaiin sorkarin tum rawh se tih te a tel a ni.
