Mizoram Upa Pawl-in General Assembly vawiin khan Vanapa Hall-ah an hmang a, a hmanpuitu Social Welfare Minister Dr K Beichhua’n, mizo khawtlang nun himna tlahniam zel nia lang siam\ha tura tanlakpuiah MUP member te a sawm.

0
1146
views

Dr K Beichhua chuan, tunlaiin Mizo khawtlang nun himna a tla hniam a, a bikin hmeichhiaah a zual a ni a ti a, hetiang zela Mizoram a kal chuan kum 10 hnuah chuan khawtlang himna a tlachhe thei hle dawn nia a hriat thu sawiin \an lak a ngai a ni a ti a, upa te chu an tawnhriatte ram leh hnam himna atan hmang \angkai turin a sawm a ni. Social Welfare Minsiter chuan tunlaiin kum upa lam aiin naupang zawk thi an tam ta chu veiawma a tih thu a sawi a, zu leh ruihhlo dang vangin fahrah leh hmeithai an tam ta niin a sawi a, he thil thlentu do turin \anrual a ngai a ni a ti. Social Welfare Minister hian lok sabha inthlan zawhfel a nih hunah zu khapna dan hman a nih tur thu a sawi.

Tun dinhmunah MUP ah hian member 64,078 an awm a, General Hqrs. 1, Sub Hqrs. 1, Area 83 leh unit 584 an awm a ni. Chawhma inkhawm hi an pawl President Pu RK Thanga’n a kaihruai a, Chawhnu lamah ro an rel bakah an pawl hruatutur an thlang a, President ah Pu Lalhuapzauva Bungkawn leh Vice President – Pu RK Thanga Mission Veng, General Secretary – Pu J. Thanglura Electric Veng, Asst General Secy ah Pu K. Thanmawia Bungkawn, Treasurer -ah Pu R. Thankima Mission Veng leh Fin. Secy -ah Pu Vanlalthanga Nursery Veng te an thlang a ni.