Mizoram Youth Commission kal zel dan tur chungchanga inrawnkhawmna, consultation meeting nizana Aijal Club-a neihah Dr Vanlal\anpuia hian MYC din tira a nih a\angin kal dan phung tur policy mumal tak duan chhuah a la awm lo a, kawng hmang leh tum bik neia kal thei turin inrawnkhawmna chu buatsaih a nih thu a sawi. Dr Vanlal\anpuia chuan, Mizo \halaiten theihna sang tak an nei a, Mizo hnam suk thlek, tui zawng leh thiam zawngte hnaa chantir dan tur ngaihtuaha policy mumal tak duan tum a ni a ti.
Consultation meeting-ah hian MYC ina hna a lo thawh tawh leh thawh mekte tarlan a ni a. Heng bakah hian sawiho tura chhawpchhuah zingah Manpower Development Policy chungchang te; thawktu indaihlohna zirchianga khawi laiah nge, eng hunah nge, eng ang thiamna nge mamawh tih zirchianga skill gap research neih te; career guidance chungchang te; Skill Development Institute din chungchang te; Mizo \hailaiten pianpui thiamna tam tak an neih hman \angkai theih dan tur te; MYC Job Portal siama hna zawng mekte tana hman \angkai theih tura duan dan tur te; nitina inhlawhfa \hin labour sector te mumal zawka an hnathawh dan herrem-a, organised sector-a an luh theih dan tur te, Placement Agency te nena thawhho chungchang te; \halaite rilru put hmang leh sukthlek siam\ha tura moral reform kalpui chunghang te sawiho a ni.
Sawihonaah hian MLA pahnih Dr. Z.R.Thiamsanga leh Pu L.Thangmawia leh Planning and Programme Implementation Department Secretary Dr.C.Vanlalramsanga leh mithiam sawm bikte an tel a ni.
