Mizorama Chanchin\ha pulut hmasa bertu, Welsh Presbyterian Missionary, Rev. William Williams-an kum 1891, March ni 20-a Aizawl a lo thlen hnua Pathian thu a sawi hmasak berna Bungkawna CID tlangah Chanchin\ha a puan darhna hriat rengna lung phun vawiin khan Bungkawn bialtu Pastor, Lalchhuanmawia’n a hawng.

0
1877
views

Hawnna inkhawm hi Bungkawn Kohhran Vice Chairman, Upa Lalhuapzauva’n a kaihruai a, hetah hian Rev. William Williams-an Pathian thu hril tura Mizoram a lo thlen dan leh Aizawla a cham chhunga a thil tih dan te Bungkawn Kohhran Secretary, Upa Lalrikhuma Sailovin a sawi a ni. Welsh Presbyterian Missionary, Khasi rama Shella khuaa awm Rev. William Williams chuan kum 1890 khan Syhlet-a awm Rev. Pengwern Jones a tlawh a, hemi \um hian British sorkar laka hel vanga Mizo lal Syhlet lung ina tangte an hmu fuh a, heng mite a\ang hian Mizoram chanchin hria-in Pathian thu hril hna thawh nan Mizoram tlawh a duh a, Lushai Hills tlawha kal phalna British sorkar a\anga a dil chu phalsak a nih hnuah chawlhkar ruk chhung Mizoram tlawha kal turin a awmna hmun Shella a\angin kum 1891, February ni 18-ah Lushai Hills, tuna Mizoram ni ta panin a chhuak a, 1891, March ni 15 khan Mualvum kaia Kutbul luichhuah a thleng a, hetah hian naupang rual a hmuhte hnenah Isua chanchin sawiin, Bible milemte a sem a, 1891, March ni 20-ah Aizawl lutin British sorkarin lal atana ruat, Dokhama hnenah a thleng a, lal Dokhama in dinna tuna Bungkawn CID tlang tia hriatah hian luhkapui a\angin chanchin\ha a hril \hin a, he hmunah hian a \hiante pathum nen thlakhat dawn lai an cham dawn hnuah 1891, April ni 17 khan Aizawl chhuahsanin Khasi rama an awmna Shella lam an pan leh ta a ni. Rev. William Williams-an Mizorama Pathian thu a hril hmasak berna Bungkawn CID tlanga hriatreng lung phun hi feet 6-a sang, feet 3 leh a chanvea hlai, granite-a siam, thira \ha taka hung a ni a, he hriatreng lung phun nan hian Bungkawn Presbyterian Kohhran chuan Rs. 2,82,515/- an seng a ni.