Mizorama chanchin\ha thlen kum 125 tlin ni naktuka lo thleng tur chu Baptist Church of Mizoram (BCM) chuan Kohhran tinah ruai nen ropui takin an lawm dawn.

0
104
views

A lawmna programme BCM Kohhranin a duan tarlan danin zanin hian Aizawl Republic Venga BCM Central Church-ah Jubilee meidet a ni ang a, naktuk zingah Academy of Integrated Christian Studies (AICS) compound-ah Mizorama Pathian thuhril tura Kristian Missionary lo thleng hmasa pahnih Rev. FW Savidge Mizo ten Sap upa an tih leh Pu Buanga, Rev. JH Lorrain te hriatrengna lungphun hawn a ni anga, he mi hnu hian Republic Venga BCM Central Church-ah Missionary Day kum 125 tlin hriatrengna Jubilee dar \um 125 vuak a ni ang a, dar vaw tu tur te hi Kohhran hruaitute leh mi pawimawh thlan chhuahte an ni. Naktuk chawhma inkhawmah chanchin\ha puandarh pawimawhzia tarlanna lam hawiin Kohhran tinah Pathian thuchah sawi a ni ang a, inkhawm banah Pathian faka zaikhawm nghal a ni ang a, chawhnu lamah Kohhran pum huapa ruai \heh a ni ang. Mizorama chanchin\ha thlen kum 125-na lawmna Central Church-a neih turah hian Mizoram Larsap, Pu Kummanam Rajasekharan pawh a tel dawn a ni. He Kohhran ni pawimawh lo thleng tur lawm nan Aizawla Baptist Bullet Rider te chuan Bawngkawna Brigade Field a\anga \anin Ngaizel thleng a huhovin kawng an zawh ang a, chumi hnuah Aizawla Kristian Missionary hmasa te awmna MacDonald Hill thleng kawng an zawh leh ang a, hetah hian a huhovin Pathian hnena inhlanna an nei dawn a ni. Kohhran tin hian zan lamah pawh Pathian biak inkhawm an nei zui dawn a ni.