Mizorama TB vei nia rin enfiah, mi 1,870 zinga 484-in TB an vei tih hmuh chhuah a ni

0
571
views

National Health Mission hnuaia kumin April thla atanga June thla thlenga Mizoram puma TB vei hmuh chhuah leh enkawl dan chu vawiin khan thlir let a ni a, Chaltlang Tourist Lodge-a he thlirletna inkhawm hi National Health Mission Director, Dr. Lalrozama’n a hova, kumin April thla atanga June thla tawp thlenga Mizorama TB vei nia rin enfiah, mi 1,870 zinga
484 chu TB vei an ni tih hmuh chhuah a ni a, heng zinga za zela 91 chu enkawl dam an ni. TB vei, mi 484 zinga 19 chu TB leh HIV positive vei kawp an ni tih hmuh chhuah a ni a, heng zingah hian mi 18 chu TB damdawi pangngai ngeih tawh lo, Multi Drug Resistant TB vei an ni tih hmuh chhuah a ni. He thlir letna inkhawmah kumin September atanga TB vei zawng zawngte Multi Drug Resistant-TB vei an nih leh nih loh enfiah vek dan tur sawiho a ni a, thla hlui, July thla chhung khan Mizorama District 5 – Aizawl, Mamit, Kolasib, Lawngtlai leh Saihaah TB vei hi beihpui thlaka zawn chhuah a ni a, TB vei nia rinhlelh, mi sing chuang enfiah hnuah mi 11 chu TB vei an ni tih finfiah a ni tih tarlan a ni.