ZPM pisa hawn inkhawma a thusawiah Pu Lalduhoma hian MNF chu Citizenship Amendment Bill hlauhawm lo zawng hlira \hahnemngai taka thu thehdarhah a puh a, hei hi MNF party chuan thu dik lo a ni an ti a, Citizenship Amendment Bill 2016 chungchangah MNF in engtik lai mahin a hlauhawm loh thu a la sawi ngai lo niin an sawi a, he Bill dodalna leh duhlohna thu pawh vantlang hmaah leh chanchinbu mite hmaah MNF President Pu Zoramthanga leh Vice President Pu R.Tlanghmingthanga’n \um engemawzat an lo sawi tawh tih sawiin Citizenship Amendment Bill chu Lok Sabha-ah pass tawh mahse; Rajya Sabha-ah a tlang lohna turin tun thla ni 10 Chief Minister Pu Zoramthanga hova Council of Minister thukhawm pawhin a theihna hmun apiangah hma a lak zel tur thu a lo passed tawh zawk a ni an ti.
MNF chuan, Citizenship Amendment Bill an duhloh chungchang chu Delhi a cham mek Chief Minister Pu Zoramthanga pawhin nimin khan Prime Minister Pu Narendra Modi a sawipui niin an sawi a, Ram danpui Article 371(G)-a Mizoram humhalh bikna chungchang pawh MNF party chuan a hrechiang tawk a ni an ti
