MNF party-in kum 1987-a Pu Laldenga hova sorkar an siam a\anga chhui chian ngai awmte, CBI chhuitir vek turin vawiin khan CM, Pu Lal Thanhawla hnenah lehkha an thehlut a. Mizo Carbon leh Lottery-a thil dik lo awm nia lang chhui chiang tura CBI koh luh a duh thu, CM-in Zoram mipui hriata a puan chu \ha leh lawmawm an ti hle nia sawiin, heti chung hian chhuanlam chi hrang hrang siamin tun thlenga koh luh an la ni lo niin an sawi a, Mizo Carbon chungchang chhuina tura Chief Secretary-in lehkha a siam tawh pawh Court leh dan lam thil chhuanlama hmangin hnuh kirtir leh nia sawiin, he thilah hian dan hre mite an rawn pawhin chhuanlam tling a ni lo niin an sawi. MNF party chuan CM chu Mizo Carbon leh Lottery chungchang chhui a lo intiam tawh ang leh, mipui hriata a lo sawi tawh anga CBI ko turin \um engemawzat an ngen nawn tawh thu te, tun thla ni 22 a Pu Lal Thanhawla’n Congress Bhavan-a a thusawiah MNF sorkar lai, kum 1999 a\anga heng thilte hi chhui vek an ngam chuan kan chhuitir ang a tih chu lawmawm an tih thu an sawi a, hemi kum chauh ni lo, kum 1987-a Pu Laldenga hova sorkar an siam a\anga chhui chian ngai awmte chu CBI chhuitir an ngam thu leh rem an tih thu sawiin, CM chu a lo intiam tawh anga CBI chu ko lut thuai turin an ngen nawn leh a ni. ZONET thu dawn danin CM chuan, MNF hruaitute awm lai hian Chief Secretary, Pu Lalmalsawma chu phone a be nghalin CBI koh luh chungchang hi bawhzui turin a hrilh nghal a, Mizo Carbon chungchang chu High Court-a thubuai awm lai a nih avangin CBI hian an chhui duh loh phah a hlauh thu a lo hrilh bawk a ni.
