MNF Sr. Vice President Pu Tawnluia’n kumin Assembly inthlana thuneihna an chan chuan Kristianna humhalh chu an thil tum lian ber te zianga mi a nih tur thu a sawi

0
818
views

MNF Sr. Vice President Pu Tawnluia’n kumin Assembly inthlana thuneihna an chan chuan Kristianna humhalh chu an thil tum lian ber te zianga mi a nih tur thu a sawi. He thu hi vawiina Hnam Run inkhawmah sawiin Pu Tawnluia chuan, an party innghahna thupuia awm sakhuana humhim chu an theihnghilh loh thu leh a taka kal pui an tum thu sawiin Kristianna humhim turin theihtawp an chhuah dawn tih a sawi a, India sorkar nen remna thuthlung an ziahah pawh a chuang niin a sawi. Pu Tawnluia chuan, Kristian sakhua humhim an tumna kawngah midang sakhua nek zawngin an kal dawn lo tih a sawi a, hetihrual hian Hindutva leh Yoga leh Bawngtalh khap chu an pawm ve loh thu sawiin a pawmtute chu Dist. Council-ah an thawkho mek niin a sawi.

Pu Tawnluia chuan, Congress chu kawng siam \ha turin mipuiin an ring zo tawh lo niin a sawi a, vote zawnna atana mipui lawm awng leh it zawng sawiah puhin, ho lam takin a kal ral leh \hin niin a sawi a, mipuiah rinhlelhna thinlung an tuh a ni a ti a, thuneihna an chan chuan Congress in mipui rilru a tihchhiat chu siam\hat an tum dawn niin a sawi. Pu Tawnluia chuan, sorkar ngelnghet leh \ha mipui pek an tum thu sawiin Mizo Nationalism Champion pui chu an tum a nih thu a sawi bawk. Inkhawm hi National Core Committee Member Pu K.Vanlaluva’n a kaihruai a ni.