MNF Vice President, Dr R. Lalthangliana’n Education Minister, Pu H. Rohluna chu zirtirtu indaihlohna chingfel thei loah a puh.

0
534
views

He thu hi nimin a Khawbunga a an party Political training buatsaih a hmanpuinaah a sawi. Dr R Lalthangliana chuan, zirtirtu indaih loh na leh zirna kawngah harsatna Mizoramin tawh mek chingfel tura kum 9 leh thla 8 an nei chungin tun thlenga chinfel ala ni lo nia sawiin, chu chu pawi a tih thu a sawi a, hetihlai hian Assembly inthlan a hnaih tawh chhuanlama zirtirtu a siksawi ngam lo chu a dem thu a sawi bawk. Dr. R. Lalthangliana chuan an hunlaiin Hindi zirtirtu 1,187 te, RMSA leh SSA bakah zirtirtu leh thawktu dang tam tak an lak thu a sawi a, heng mite hi hlawh pek theih loh leh ban an neih loh thu sawiin tuna Congress sorkar erawh chuan hindi zirtirtu 1,305 a lakte a ruai chhunzawm theih lovin a ban vek niin a sawi a, zirtirtu hlawh thla tam tak an pe thei lo bawk nia sawiin SSA leh RMSA-a thawktute phei chu an buai phah nasa hle niin a sawi. Dr. R. Lalthangliana chuan kumin Assembly inthlana thuneihna an chan chuan zirtirtu indaihlohna te, School building \ha lote an siam\hat vek tur thu sawiin thuneihna an chan lai ang bawkin hlawh lak theih loh an nei dawn lo niin a sawi a, Khawbung Higher Secondary School chu din hmun sang zawka hlankai a nih tur thu a sawi bawk. Zu chungchang sawiin Dr. R. Lalthangliana chuan sorkarin zu an zawrh avangin Police leh \halai tam takin an nunna an chan phah a, chhungkaw tam takah harsatna a thlen a, hmeithai leh fahrah an tam phah bakah HIV nasa takin a pun phah nia sawiin nawchizuar leh zu zuartute bakin an hlawkpui lo niin a sawi a ni. MNF Vice President chuan Assembly inthlanna neih tura thuneihna an chan chuan zu zawrh chu an titawp ngei dawn niin a sawi bawk. Inkhawm hi East-Tuipui South Block MNF President, Pu R. Ramdinliana’n a kaihruai a, hetah hian an pawl General Secretary, Pu Ramthanmawia, Pu TC Pachhunga leh Secretary, Pu H. Lalenvela ten thu an sawi bawk.