MPCC leh Prism-in pisa hawng tan

0
896
views

Krismas leh kum thar chawlh hman a nih hnuah Political Party pahnih – MPCC leh Prism-in vawiin khan an pawl pisa an hawng leh \an a. Vawiina Congress Bhavan hawnna inkhawm, MPCC Treasurer, Pu H. Liansailova kaihhruaiah an party President, CM, Pu Lal Thanhawla chuan, kumin hi Mizoram Assembly inthlan kum a nih thu sawiin, sorkar laipuia thuneitu, BJP-in an chak vanglai tak nia an hriat avangin inthlan hi a hun hmaa neih a ngai mai thei niin a sawi a, Mizoram-a BJP hruaituten inthlan atan hian nasa takin \an an la mek a, an \an lak dan erawh chu Central lama an hotuten an hriatpui vak lo niin a lang a, nikum kum tawp lama President, Pu Ram Nath Kovind-a’n Mizoram a rawn tlawha Assembly Special Session neihpui a nih khan, Mizo mipuite chunga a lawmthu leh Mizoram Assembly session kalphung chu \ha a tih thu te, remna leh muanna boruak pawh a fak hle bawk a, hetiang bawk hian PM, Pu Narendra Modi-a lo zin pawh kh^n Mizoram sorkar beihna emaw, duh khawp lohna emaw pakhatmah a sawi lang lo niin a sawi. CM chuan, Mizorama term 5 thuneihna chang thei awm chhun chu Congress party chauh a la nih thu leh, kumina inthlanpui lo awm leh turah pawh thuneihna an chan chhunzawm leh a beisei thu sawiin, Mizoram hi Pathianin chanchin \ha hril tura a tih angin Pathian duh zawnga ram kaihruai tur leh mi harsa zawkte khai chhuak tura thuneihna an chan chhunzawm a \ul niin a sawi a ni.

 

PRISM Party Pisa pawh vawiin khan hawn \an leh a ni a. Upper Republic-a an Party hawnna inkhawm hi an pawl Treasurer, Pu HK Liansawta’n a kaihruai a, an pawl President, Pu Vanlalruata chuan, tuna Mizoram dinhmun thlirin he ram hian kum 5 dang a nghak hman tawh lova, eng vang pawhin kuminah hian Sorkar \ha din ngei ngei a ngai tawh niin a sawi. Pu Vanlalruata chuan, Mizoram sum dinhmun a chhe hle a, hmasawnna hnathawh a hlamzuih zel a, mipuite rilru put hmang thlengin a chhe nasa tawh a, lirthei hmanga inkalpawh hleih theih loh khawpin hmun hrang hrangah kawngpui a chhe tawh bawk a, heng zawng zawng hi thil zahthlak tak a nih avangin kumina Assembly inthlanpui neih hunah Congress kaihhruai sorkar hi paih ngei a ngai tawh niin a sawi a ni.

Prism Sr.Vice President, Dr. H. Lallungmuana pawhin, Mizoram bak hi Mizoten ram dang an nei lova, a enkawl pawh Mizo mipuite mawhphurhna a nih thu a sawi a. Sorkar kaihruaituten theihtawp an chhuah chungin an thlen chin chu hei hi a nih avangin a lungawithlak lova, an hmanraw neih zawng zawng an hman zawh tawh bawk si avangin tun aia siam \ha thei zawk tur midang kuta thuneihna pek a hun tawh niin a sawi a ni.