Vawiin khan Mizoram People Forum (MPF) pisa pawh kumin atan hawn a ni a, Pathian hnena inhlan tharna hun an hmang a ni. A hawnna inkhawm hi MPF General Secretary, Rev. Dr. R. Lalbiakmawia’n a kaihruai a, Chakma District chhungah MPF din thar leh dan kawng zawn mek a nih thu a sawi. MPF President, Synod Moderator, Rev. F. Lalrinnunga pawhin Mizoram siam \ha tura nasa taka \an lak a \ul thu leh, zu leh ruihhlo-in Mizo \halaiate a tihbuai nasat thu a sawi a. Mizoramah hian \halai tam tak, zu leh ruihhlo-in a tihbuai loh an awm tih sawiin, politics pawh Pathian chakna hmanga siam \hat theih a nih thu leh, Pathian duhzawnga mipuite an awm chuan hmuingilna leh hmasawnna a awm zel dawn niin a sawi. Tun hma lama inthlan awm tawhte ngaihtuah chuan Mizorama inthlan pawh a fel fai sawt hle niin MNF President chuan a sawi a, party tinin candidate siam danah hma an sawn hle niin a sawi. Kumina MPF pisa hawnna inkhawm-ah hian Central YMA, MUP, MHIP leh tlawmngai pawl hruaitu dangte an tel a ni.
