Mukul Roy-a’n TMC chhuahsan, MP nihna atangin bang nghal

0
660
views

Trinamool Congress hruaitu hlun, Mukul Roy-a chuan nimin khan an party a chhuahsan a, Rajya Sabha MP a nihna a\angin a bang bawk. Mi tam takin BJP a zawm nghal ring mah se, Pu Roy-a hian a awm zel dan tur chu Diwali zawhah a puang chauh dawn niin a sawi a ni. Kum 63 mi, Pu Roy-a hian hreh tak chungin banna hi a thehlut tih thuthar lakhawmtute a hrilh a, party hruaitute’n an member-te chu chhiahhlawh anga chhawr lovin, thawhpui tur zawk ni mah se, mimal kaihhruai party-ah chuan hetiang hi a theih ve loh niin a sawi a, Pu Roy-a hian a tun hnai khan an party thuruk puan chhuah a lo tiam tawh a, mahse TMC member-te chuan an ngai ho hle a, thil pawi a sawi an ring lo niin chanchinbu pakhat chuan a sawi a ni. Hetih lai hian, party member \henkhat chuan TMC din tirh a\anga awm tawh, Pu Roy-a hian thil engkim a hriat avangin BJP a thawhpui chuan a hnawk thei hle dawn niin an sawi a, Pu Roy-a hian kar eng emaw zah liam ta chhung khan Union Finance Minister, Arun Jaitley-a leh BJP National General Secretary, Kailash Vijayvargiya bakah, BJP hruaitu dang eng emaw zat a kawm kual a ni.