MZP General Hqrs. Executive Meeting vawiina an pawl Pisaa \hukhawm in Bairabi Zophaia Zofate chawlhbuk sak hnatlang koh leh an rel. MZP chuan, Zophai hmuna Zofate chawlhbuk sak an tum chungchang thu kal zelah Sorkar laipui rawtna anga Mizoram leh Assam State te hmalaknaah lungawina tur leh lawmna tur an hriat loh thu an sawi a, Sorkar laipui hmalakna chu zahawm ti hle mahse Bairabi Zophaia Zofate chawlhbuk sak hnatlang koh leh an tum tih an sawi. MZP chuan, tunhnaiah dan lova hnamdang sumdawng Mizoramah an pungchak hle tih sawiin an ngaimawh thu an sawi a, Mizo hminghawha an permit in a huam loh thlenga sumdawnna kalpui an awm nia an hriat thu leh \ha lo an tih thu an sawi a, hnamdang Mizo hming hawh tirtute chu hnamphatsan tua an ngaih thu sawiin sim tura an duh thu an sawi a, hetiang mi te dapchhuak-a hrem an nih theihna tura hmalak an tum thu an sawi bawk.
