Naf luiah Rohingya raltlan 16 vel tla hlum

0
1063
views

Myanmar-a Rakhine state-a buaina chhuak leh avanga tlanchhia, Rohingya Muslim 16 vel chu Bangladesh leh Myanmar-in ramri chhinchhiah nana an hman, Naf luiah an tla hlum. Naf luia tla hlum zingah hian naupang engemaw zat an tel nia hriat a ni a, Bangladesh vaukam vengtu, Coastguard-te chuan vawiin khan he luiah hian ruang 16 vel an hmu a, raltlante chuanna lawng chu tuifawn chak tak avangin a let a nih an ring a, tunhma pawhin luiah hian mi an lo tla hlum fo tawh a ni. Puan tawh angin, nimin khan International Organization for Migration chuan Rakhine-a Rohingya hel pawlte leh Myanmar sorkar sipaite leh police-te inkarah buaina a chhuah thar leh avangin Bangladesh-ah Rohingya Muslim 18,500 vel an luh belh niin a sawi a, hetih rual hian Bangladesh thleng zo lo a, ramri-a sipaite’n an lo dan leh kawng laka thi engemaw zat an awm niin a sawi bawk.