Naktuk Pathianni hi MNF leh India sorkar-in remna thuthlung an ziah champha a ni a, he ni hi Pathianni a nih avangin Mizoram Sorkar bul tuma he ni lawmna chu Thawh\anni hian Aizawl Vanapa Hall-ah neih a ni dawn.

0
380
views

Mizoram Sorkar, General Administration Department thuchhuah tarlan danin, remna ni champha vawi 33-na hi Thawh\anni chawhnu dar 2-ah lawm a ni dawn a, hetah hian sorkar hnathawk, Gazetted officer chin, Deputy Secretary chin chunglam, Joint Director chin chunglam te leh MPS JAG chin chunglam te leh Senior EE chin chunglam te chu tel vek tura hriattir an ni a, officer te zingah a tel thei lo turte chu Chief Secretary phalna la hmasa turin sorkar chuan a hriattir a ni. Remna ni hi District hrang hrangah pawh lawm a ni dawn a, District hrang hranga a lawmna hi Minister-ten an hmanpui dawn a ni.

Remna Ni hi Sorkar huaihawta hman a nih ngai loh avangin MZP bultuma he ni hi lawm \hin a ni a, MZP bultum hian nimin khan Lammual-ah he ni hi lawm a lo ni tawh a ni.