Maharashtra-a politician lar tak, kar hmasa lawka Congress chhuahsantu, Narayan Rane chuan naktukah party thar din a tum a, state sorkar, BJP nen an thawh dun nghal rin a ni. Rane hian Congress a chhuahsan tirh khan BJP-a luh hi a tum na a, Shiv Sena-in Rane hi an lak luh chuan an thawh dunna tihtawpah an vau avangin, Thawh\anni khan BJP hruaitu, Amit Shah leh Rane hian an thawh dun theih dan tur hi an rel a, party hrang din a, thawh dun hi an rel thlu ta a ni. Rane hi Shiv Sena-ah pawh a lo tel tawh \hin a, kum 2005 khan a fapa chu hleihluak taka duhsakah puhin Shiv Sena hruaitu, Bal Thackeray-a’n a hnawtchhuak a ni. Maharashtra-a Congress rorel lai, kum 1999 leh 2014 inkar chhung khan \um li lai CM nihna an tiam thlawn avangin Congress hi a chhuahsan niin Rane hian a sawi a, BJP nen an thawh dun theih chuan Minister atan lak luh a nih rin a ni bawk.
