Nepal rama district court in pawngsualtu thiam loh chantir chu dam chhung tang turin a hrem a, Nepal rama pawngsualtu dam chhung tang tura hrem hmasak ber a ni.

0
620
views

Kaski District Court hian kum tling lo pawngsuala that zuitu kum 27 mi, Kusum Poudel hi dam chhung tang turin a hrem a, Justice Yogendra Prasad Shah chuan Nepal Police te thubuai ziah luh hi ngaihtuahin Criminal Act 2017 tlawh chhanin hremna hi a pe a, he dan hnuaiah hian pawngsualtu hi a thih thlengin Jailah a tang dawn a ni. Hmeichhe naupang ruang hi September ni 23 khan an chenna in bulah chhar a ni a, a nghawng leh lu bakah a pumah te hliam hmuh a ni a, ruang hmuh tukah hian police te chuan Kusum Poudel hi manin, police te hmaah hmeichhe naupang hi a pawngsual hnuah a that tih a puang a ni.