NH-150-a Tuirini lei dawh tha leh turin thiat

0
896
views

National Highway 150-a Tuirini Lei, Bailey Bridge chu dawhtha leh turin tun thla ni 20, Inrinni atang khan thiah tan a ni. A thiah leh a dawh that hna hi PWD Highway Division II-in a thawk a, tunah hian lei chhuat chu thiah zawh vek tawh a ni a, lei zapui panel leh a kham zawnga dah, transom te chu thiah tan mek a ni a, tun hmalam khan lei dawhna thir herh thlawna ruk ching an awm avangin a kilhna pin welding beh tlat a ni a, a thiah hna hi a hautak deuh a, a thawh chak theih loh niin Engineer te chuan an sawi a, Mizoram PWD hnuaia Mechanical Division pawh anmahni pui turin Recovery Van nen naktukah an thawk chhuak dawn a ni. He lei thiah mek hi kum 1973-a BRTF-in a dawh a ni a, motor lian rit phur tan zawh ngam a nih tawh loh avangin thir lei chak chi ton 35 dawlzova dawh tum a ni a, heta tan hian Rs.3,90,69,000/- ruahman a ni a, thlaleh, February thla chhunga zawh hman tum a ni. Hetihlai hian he lei helna tur lei dang tuna hman lailawk tur lui hnar lamah dawh a ni bawk a ni.