India-a cham mek, UN-a US palai, Nikki Haley chuan vawiin khan sakhaw hrang hrang biakin a tlawh. Puan tawh angin Haley hian sakhaw zalenna chu mihringin dikna leh chanvo a neih dangte ang bawka pawimawh a nih thu a lo sawi tawh a, Delhi khawpuia Gauri Shankar Mandir a tlawh hnuah, Muslim-te biakin, Jama Masjid a tlawh leh a, Sikh biakin, Gurudwara Sis Ganj Sahib a tlawh hnuah, Central Baptist Church a tlawh bawk a ni. Haley hian nilaini khan PM Narendra Modi leh External Affairs Minister, Sushma Swaraj te a kawm a, ram pahnih thawhdun zelna tur kawng hrang hrang a sawipui a ni.
Chanchin Thar Nikki Haley-in Delhi-a sakhaw hrang hrang biakin a tlawh
