Nilaini kaltaa J&K Budgam-a Indian Air Force helicopter chesuala thi, Squadron Leader Siddharth Vashisht chu vawiin khan sipai chawimawina famkim nen vuiliam a ni.

Vashisht-a ruang hi nimin khan Chandigarh-a Air Force Station thlenpui a ni a, a nupui, Squadron Leader tho, Aarti Vashisht-in a ruang chunga par\hi a dah hnuah, hal ral a ni a, a vuinaah hian Haryana Minister Naib Saini leh state BJP President Sanjay Tandon te pawh an tel ve a ni. Siddharth Vashisht hi kum 31 mi a ni a, an thlah zinga sipaia \ang chhuan li-na a ni a, kum 2010 khan IAF-ah a lut a, thla hmasa lawk khan Kerala tui len \uma chhanchhuah hna a thawh \hat avangin chawimawina hlan a lo ni tawh a ni.