NLCPR sum hmanga siam tur Buarpui kaltlanga Lungleia Khawiva 132 KV Sub Station-a kawlphetha pekna tur hruipui thlun hnathawk mek Lunglei District MJA-te’n enfiah

0
284
views

Non-Lapsable Central Pool of Resources (NLCPR) sum Rs. 41,76,07,000/- seng tura Melriat a\anga Buarpui kaltlanga Lungleia Khawiva 132 KV Sub Station-a kawlphetha pekna tur hruipui thlun hnathawk mek chu vawiin khan Lunglei District MJA member te chuan an President, H. Lalthansanga hovin an enfiah. Thuthar thehdarhtute hi Lunglei Power Circle-a SE, Pu Zoliana, Executive Engineer, Pu Zodinglianaten an kaihruai a, hnathawh dan hi Pukpui a\anga \anin an enfiah a ni. He 132 KV Line hi Zoram chhim lama District pathum Lunglei, Lawngtlai leh Siaha te eng pekna tur atana siam a ni a, tuna chhim lam District pathum eng pekna, Serchhip Bukpui a\anga Khawiva 132 KV Sub Station line chhiat thulha hman tur atana siam a nih bakah chhim lam kawlphetha tam zawk pek theihna tur a ni dawn a ni. He hna hi Tantia New Modern Technomech Pvt. Ltd.-in a thawk a, kumin october thla tawpa zo hman tura beisei a ni a, tun dinhmunah hna za zela 87 zawhfel tawh a ni. Engineer te sawi danin electric hruipui thlunna tur tower 242 siam tur zingah ban phunna tur hmun 230 laihzawl zawh tawh a ni a, ban 225 phunna tur concrete-a siam zawh a ni tawh a ni. Hemi bakah hian Optical Ground Wire km 34 chuanga thui zam zawh a ni bawk a ni.