Chaltlanga Higher and Technical Education Department hnuaia Technical Wing hotute hnen a\anga Zonet thudawn danin, NEC puihnaa Mizramin MBBS seat a chante chu Falkawna Zoram Medical College-ah seat 70, Manipur-a Regional Institute of Medical Sciences (RIMS)-ah seat 7, Meghalaya-a NEIGRIHMS-ah seat 3, Tripura-a Agartala Government Medical College-ah seat 2, Dibrugarh-a Assam Medical College leh Assam-a Tezpur Medical College-ah seat 1 ve ve niin a vaiin seat 84 a ni a. BDS chu RIMS-ah seat 4 leh Guwahati-a Regional Dental College-ah seat 3 a ni. Zawhna chhangin Technical Wing hotute chuan, tun dinhmunah chuan damdawi lam zirnaah NEC a\anga seat hmuh tih loh Central Pool a\anga Mizoram Seat chan tur zat chu hriat a la nih loh thu leh August thla-ah Central Pool-a Mizoram seat chan tur zat hi hriattheih beisei a ni tih an sawi a. Mizoram MBBS zirna Zoram Medical College a awm ve tawh avanga Central Pool-a Mizoram seat chan tur a danglam dawn leh dawn loh zawhna chu an chhan theih loh thu an sawi a, he thilah hian rin dan pawh an nei thiam lo tih an sawi.
India ram puma damdawi lam zir tur thlanna National Eligibility cum Entrance Test (NEET), 2019-a Mizoram a\anga ti\hate chu Online hmanga an zir duh thlanna tur chhawpchhuah sak an ni dawn a. An thil zir duh leh an College duh thlan chu Online hmangin an thawhlut ang a, heta \ang hian Seat hmu tur lo thlan leh tur niin, a hmu turte chu hriattirna pek an nih hnuah Chaltlanga Technical Wing-ah lehkha pawimawh thehluh tura tih an ni dawn a ni. Technical Wing hotute chuan, hetiang dan hi nikum lam a\anga hman a nih tak avangin tun hmaa zirlaite hnena Counselling pek \hin pawh tih a ni tawh ngai lo niin an sawi.
