November ni 26-ah Nepal Parliament leh state hrang hrang inthlang dawn

Nepal ram Parliament leh state (province) hrang hrang inthlan chu November ni 26 khian buatsaih a nih tur thu, vawiin khan sorkarin a puang a, tukina Kathmandu-a Cabinet thu khawmin he thu hi a titlu a ni. Inthlan hun ruat fel a nih hma hian sorkar chuan Election Commission a berawn hmasa niin Information Minister, Mohan Bahadur Basnet-a’n a sawi a, ram danpuia tarlan angin, Nepal Parliament-ah hian member 275 an awm a ni. Heng zinga 165 chu mipuiten an thlang ang a, 110 chu chhut dan bik hmanga ruat an ni ang. Hemi hma hian Election Commission chuan vote thlak hi tum hniha buatsaih turin Nepal sorkar chu thurawn a pe a, a buaipuitute an indaih zawk theih nan hei hi a tul niin a sawi.