Arunachal Pradesh-a Changlang district-ah Assam Rifles sipaite’n Nationalist Socialist Council of Nagaland (Reformation) hel ho kut atangin ralthuam an man. Assam rifles thupuangtu sawi danin, sipaite hian an thu dawn bawhzuiin Thawhtan zan khan Changlang district-a Kovin Honkap khaw bula inkhuar, Nagaland hel pawlte lakah hian beihpui an thlak a, AK-56 rifle pakhat, M-16 rifle pakhat, grenade launcher pakhat leh silai mu an man a ni. NSCN hel ho hian sipaite hi rei lote chhung chu lo bei let ve mah se, sipaite hi an ngam dawn lo-a an hriat avangin an ralthuam leh silai ken laite tlansanin an tlanchhia a, sipaite hian an um zui mek a ni.
Chanchin Thar NSCN (R) hel ho kut atangin ralthuam man
