Bibles For The World buatsaih Open Bible Stories – Mizo & English Parallel Edition chu nizan khan Ramhlun Indoor Stadium-ah Pu K. Lalrinthanga, MLA in tlangzarh a. He lehkhabu-ah hian Bible-a thawnthu ngaihnawm tak tak chu a lem nen Mizo tawng leh Sap tawnga chhut a ni a. Nizana a tlangzarhna inkhawm hi AICS Principal, Rev. Dr. R. Zolawma’n a kaihruai a, Upa Prof. Laltluangliana Khiangte-in lehkha thlirlawkna a nei a, Rev. Dr. R. Lalbiakmawia’n Pathian hnenah a hlan a ni. He lehkhabu buatsaihtu Bibles For The World President, Rev. John L. Pudaite chuan lehkhabu buatsaih a nih chhan leh a pawimawhna a sawi a. He lehkhabu-ah hian Genesis atanga Thupuan chhunga malsawmna thu 50 a lem nena hrilhfiah a ni.
