Pakistan-a political party hrang hrangin inthlan an neih zawh tak an sawisel nasa hle a, inthlan that an phut.

0
847
views

Inthlan \hat phuttute hi All Parties Conference an ni a, an zingah hian sorkarna siam mektu party, Pakistan Muslim League-Nawaz pawh an tel ve a ni. PML-N hruaitu, Shahbaz Sharif chuan All Parties Conference thutlukna chu an thlawp rualin, inthlana chak-te rinawmna thu tiam tura lakluh boycott an tum leh tum loh chungchangah an party hruaitute nen an la inbiak a ngaih thu a sawi a, an party mi eng emaw zat thlan tlin an awm ve avangin, thutlukna an la siam thei lo niin a sawi a ni. Puan tawh angin Pakistan ram inthlanpui hian sawisel a hlawh nasa hle a, sipai hotuten nasa takin inthlan an tichingpen nia sawi a ni a, European Union pawhin vote thlak dan chungchangah mi zawng zawngin remchanna an neih dan a in an loh thu leh kum 2013-a Pakistan inthlanpui ai khan tun \um ami hi a felfai lo zawk nia an hriat thu an sawi a ni.